Isnin, 18 Ogos 2014

Sabak - Tanut anak Unchau

SEMPALAI NYAWA 1. Naka penadai meh terantang punggang ujong dabong enggi aku tu tak enda nekis nyaris taung-taung nadai di dinga kitai ka bebanda duduk betugong. Kitai ka indu lulong kumbo ampang belumpong tak enda setunda ka terantang gendang banding enggi Tarang apai Dungkong, enggi iya nama mensaya iya gaga ria rindu mela buku buloh laung ulih sisa melanyi bujang lempong Mekong di tanjong surung pemuntang agi ga iya ka terebai kindong-kindong datai ari kebung langit gadong baka sempayung bumbong seregang. 2. Naka penadai terinting putting dabong kempat enddi aku tu tak enda bnekis nyaris inggar amat nadai di dinga ka kitai ka bebanda dudol belipat. Kitai ko indu lulong kumbu ampang kebat, enda setunda ka Terantang gendang pampat enggi niang takaya Minggat enggi iya nama mensaya iya ga gaga ria rindu amat mela buku buloh engkalat ulih sida malanyi bujang sigat mantap di lengkap keruang dulang agi ga iya rindu ngalu kubu lang bengap iya ka datai ari tis langit endap ka terebai Taja kebab-kebab, mandi adap balat gelemang. 3. Endo ku busong laya lindong Laban kaki ku udah berdiri di segi bari Selumponng laban belakang aku udah pakap seludang baju gadong Pala aku dah tata lala minyak duyong Mulut aku udah ngetop tilup putting beliung Aku udah di biau orang enggau selanyau manok tuntung, bedada setong mengkarong mekang Nadai ka ubat enda lenyap busong lindong Bisi ga aku mai ti ditu, batu pugu semambu ngandong, batu takang temiang pumping Batu sintal di kumbai petual bunga balong Udah di kulum aku enggau gendum ujongdabong Udah di tanchang aku di punggong putting labung Lalu di bai aku pansut ka ruai kena aku ngembai kitai ka berimbai duduk betugong Kena aku mangkang sida ka midang ilang lindong Iya ka enggau orang pulai ka tanjong madang nibong kaung ngua mayang 4. Enda aku busong lindong laya Laban kaki aku udah berdiri di segi bari bunga Belakang aku udah pakap seludang baju kasa, Pala aku udah tata lala minyak Lunda mulut aku udah ngetup liup beliung baja Aku udah di biau orang enggau selanyau manok banda bedada nyala ngenang kepayang. Natai ka ubat enda lenyap busung nyaia Udah ga aku mai ti ditu, batu pugu semambu jera, Batu petakang temiang ransa Batu sintal dekumbai petual rampang bunga Udah di tanchang aku di punggong labung setula, Lalu di bai aku pansut keruai kena ku ngumbai kitai ka berimbai dudok bebanda, kena ku mangkang sida ka midang ilang laya, nabat tinda aku ka sebut ka dama entua berada tuning

Timang Jalung - Ugat Anak Galang

Timang Jalong - UGAT ANAK GALANG Tekop taja tetekop daun bedaup ke bantangkup senenatng gagang Nyadoh lemambang mayuh betuboh berati nyebut belaboh nimang Nama utai geguntam munyi lelenagan mangka ke meluan tumpu tiban nanga limut Utai berembat munyi ungkat rebut bepuput. Nadai nya utai bukai deh wai nagai inding ribut nya ga auh gawai sida di batang gelenggang Lempa gegiut laban sida berantu sida kai lalu dulu anyut bebayar utang ba sida kai midang ilang luput Nya alai nyawa nadai belepa gut gut munyi indu singut kai empalut di sukut didan lintang Nama utai geguntam munyi lelangan mangka ka meruan tumpu tiban nanga sadung kai berembat mungi ungkat rebut nyabong. Nadai nya utai bukai deh wai nagai nyabong belindong nya ga auh gawai sida di batang Lempa matong laban lupu sida berantu sidaka lalu dulu pumping nya alai nyawa nadai belepa di dinga kaung-kaung baka tunjuk ujong kitai ka negau tempukung sarang gamang. Lalu lengka ka genteran jako nya uji dulu mesit-mesit ujan laboh ari langit labohka baroh ninggang daun kumpang Seladang. Lalu nyadoh kitai mayuh kai betuboh ati empait. Nyempait itit laman berunai seberai enggau pantai nanga Limbang. Nuan empait itit aku neylidik pipit tak tekinsit mimit jauh betukang.