Posted on October 2, 2013, Wednesday
SEJARAH:
Elvis Didit mandangka bup ke ngundan semua atur pengawa maya Aum Besai
Ketuai Raban Bansa Iban Sarawak, berengkah 11 nyentuk 13 Oktober di Fort
Sylvia ditu.
KAPIT: Kepala Opis Pelilih Mit Kapit, Elvis Didit ke mega chairman komiti pengatur Aum Besai Ketuai Raban Bansa Iban Sarawak (SICLC) madah, Kapit diatu udah nyikap diri napi ketuai maya aum nya ke deka diatur ba Fort Sylvia berengkah 11 nyentuk 13 Oktober tu.
Aum tiga hari nya deka digulu 164 iku ketuai raban bansa Iban nyengkaum sepuluh iku Temenggong, dua puluh iku pemancha, seratus tiga puluh empat pengulu ari serata Sarawak kelimpah ari Bau, Daro enggau Lawas.
Raban ari Kuching diketuaika Temenggong Dato James Jimbun Pungga, Pemanca John Tambie Awat enggau enam iku pengulu iya nya Sidu John, Philip Entawan, Muari Jungan, Jonathan Jelai Ujai, Ginsit Lepau sereta Suyong Karatot. Sida diiring penyanding penemu ari opis residen AO Jamica Humpa
Raban ari Kota Samarahan diketuaika Temenggong Anthony Nipak sereta tiga belas iku pengulu iya nya Belland Kantul, Lawrence Pau, Tungkol Luhom, Asai Bijak, Alie Danjie, Jubin Sili, Kendawang Ruek, Pelie Jambu, Merum Babu, Sampoi Mindon, Pawi Sidi, Siligut Kabul enggau Gara Jimbai. Sida tu diiring penyanding penemu ari opis pelilih mit Simunjan AO Danny Landsdale Rajau.
Pemanca Samuel Lawen enggau Pemanca Jaau Jagit nguluka semilan belas iku pengulu iya nya Belie Blasan, Briku Busang, Bailey Gamang, Entika Seman, Joseph Lichong, Tinggi Nyadangm Michael John Penghulu Sanggup, Lembang Bagong, Rentap Ukar, Rumbok Jmait, Jaul Lutau, Mering Changai, Batu Surai, Michael Derin Empaga, Chaong Empin, Rangkong Upok, Mapang Awel, Chabi Embek enggau Gerang Changai sereta AO Henry Keran nyadi penyanding penemu sida.
Raban ari pelilih Betong diketuaika Temenggong Nunong Bandan sereta disempulang Pemanca Desmond Tawie Mandi enggau empat belas iku pengulu, sida tu Sela Entalang, Norman Ngumbang Sandin, Radin Empili, Francis Empam Kuling, Uyok Suning, Ngadan Samuel, Ebi Kechendai, Kadam Ot, Godwin Jawie Panggau, Edward Gella Baul, Garan Chunggat, Bujang Ambau, Isa Geng, Jos Manggie enggau Ali Bin.
Temenggong Dexter Johnny ngiring raban ketuai ari pelilih Sarikei, sida tu nyengkaum Pengulu Tuah, Pemancha Ladin Sebang, Pemancha Janggu Temenggong Datuk Banyang enggau Pengulu Bidai Gisang, Kasa Tuba, Benjamin Joseph Legak, Augustine Pau, Cosmas Panggie, Mawa Layang, Junit Tedong, Jarau Junit, Blu Latih, Mambu Ikom, Radin Mandie, Dundang Jalin enggau Galau Pengulu Itam. AO Henry Gimong Sawat ari opis residen Sarikei sereta Joseph Indi ari opis pelilih mita Sarikei nyadi penyanding penemu sida.
Pelilih Sibu diketuaika Temenggong Sir Adrin Ringgau, Pemanca Stanley Geramong Bandar sereta disempulang dua puluh satu iku pengulu. Sida tu Pengulu Enyang Menchol, James Semilan Guang, Philip Kayak Brandah, Paing Tawi, Jeffery Sut Anggan, Richard Ampi, Spencer Kudang Lugat, Boniface Jacob Kalai, Barnabas Angkis Luang, Juin Adan, Ugap Saribu,Melaka Rimba, Ugak Sigai, Ijam Tuah, Juni Temenggong Masam, Robert Nanta Kasi, Jerampang Ratoh, Michael Jalani, Boniface Siew Tugok, Balai Gara enggau Thomas Jawa Achong.
Pelilih Mukah deka diarika Pengulu Iju Tutong, Empaling Beji, Uking Kudang enggau Ambau Achong. Sida tu sempulang Angelia Roselie Ujih ari opis pelilih mit Mukah nyadi penyanding penemu.
Datuk Temenggong Kenneth Kanyan Temenggong Koh nguluka raban ketuai ari Kapit, sida tu nyengkaum Pemanca David Dian Langkau sereta enam belas iku pengulu iya nya penghulu Salang Batang, Nalong Daga, Engin Nyipa, Jampi Rawing, Geruna Mawan, Nyengat Sabang, Steward Sawing Andol, Bunsu Penghulu Gerinang, Uga Usop, Gudang Geramong, Edward Jamit Untam, Sumpeng Jinggai, John Salang Manggau, Galau Melina, Lebon Andl enggau Baling Jengin seraya AO Robert Sigie ari opis pelilih mit Song pia mega Maria Nadja Jimmy Jalil ari opis residen Sibu bela nyadi penyanding penemu sida.
Raban ari pelilih Bintulu diketuaika Temenggong Kelambu Medan sereta disempulang Pemanca Utoong Sigan enggau lapan iku pengulu iya nya Chabi Nangup, Sebeli Undol, Charlie Limin, Michael Lanyau Ruma, Valerie Manyi Lanyu, Lubon Kinchang, Sylvester Sallang Anchak sereta Intu Santap. AO Bridget Achan enggau Volner Robetson Mawa penyanding penemu sida.
Pengari ari pelilih Miri diketuaika Temenggong Wilson Atong Limping sereta disempulang pemanca Wilson Siang Lim enggau lapan iku penghulu iya nya Randi Elon, Sadi Mancha, Lansam Pemanca Goyang, Baau Maggang, Sedu Gerang, Enggah Muga, Ela Bong sereta Nyadang Rangkang. Penyanding penemu sida AO Reagan Edwin ari opis residen Miri.
Pelilih Limbang diketuaika Temenggong Jarom Antot sereta disempulang Pemanca Willie Merum Liaw enggau dua iku penghulu iya nya Anthony Tanggoh enggau Robert Kunyu Anggau lalu AO Donny Dunggat ari opis residen Limbang nyadi penyanding penemu sida.
Berebak enggau nya, Elvis Didit mega madah, bisi tiga pekara besai deka dipejurai. Sebengkah ari nya pasal ‘The Philosophy, Principles And Factors Contributing To Rural-Urban Migration’ enggau ‘The Social-Economic Impacts Of Rural-Urban Migration On Iban Women And Youth’, pekara kedua ‘The Impacts Of Rural-urban Migration On Iban Culture And Tradition’ sereta pengujung bendar ‘Iban Community Leaders: Their Roles And Functions’.
‘The Philosophy, Principles And Factors Contributing To Rural-Urban Migration’ deka dibantaika Associate Professor Dr. Nelson Ilan Mersat ari UNIMAS, Kuching sereta Datu Jaul Samion, permanent sekretari Menteri Pemansang Tanah deka jadi moderator.
‘The Social-Economic Impacts Of Rural-Urban Migration On Iban Women And Youth’ deka dibantaika Associate Professor Dr. Madeline Berma ari University Kebangsaan Malaysia (UKM) lalu Datu Jaul Samion deka nyadi moderator.
‘The Impacts Of Rural-urban Migration On Iban Culture And Tradition’ deka dibantaika Dr. Robert Menua Saleh, seiku direktor pemansik Tun Jugah Foundation, Kuching sereta Datu Jaul Samion nyadi moderator.
‘Iban Community Leaders: Their Roles And Functions’ deka dibantaika Datu Dr. Penguang Manggil, sekretari tetap Menteri Perintah Loko enggau Pemansang Raban Bansa Sarawak sereta Dato Sri Edmund Langgu Saga nyadi moderator.
Kaban penal ba renggat terubah Tanya enggau Saut (Q&A) iya nya Datuk Alexander Nanta Linggi, Datuk Stephan Rundi Utom, Datu Vasco Sabat Singkang enggau Temenggong Dato James Jimbun Pungga.
Komiti penal ba renggat kedua Q & A diketuaika Datuk Gramong Juna, Tuan Wilson Ugak Penghulu Kumbong, Datu Nillie Tangai enggau Lvy Suli Untup.
Atur pengawa bejadika aum besai nya kena 11 Oktober deka dimenyanaka Sapit Kepala Menteri Datuk Patinggi Alfred Jabu Numpang.
Menteri Pemansang Tanah, Tan Sri Datuk Amar Dr. James Jemut Masing deka nutup pengawa nya kena malam 12 Oktober.
Kelimpah ari nya, Tan Sri Datuk Amar (Dr) Leonard Linggi Tun Jugah, chairman Tung Jugah Foundation deka mantaika jaku pengelalu enggau batang penemu pagi Hari Enam 12 Oktober.
Menteri Pemansang Rama Tan Sri William Mawan Ikom deka ngulung jurai penemu ngalih hari nya.
Berebak enggau nya, Didit mega madah, Kapit udah besikap penuh nganti atur pengawa nya lalu pia mega semua surat udah dianjung nuju semua ketuai raban bansa Iban serata menua Sarawak tu nengah opis residen enggau pelilih mit.
Didit mega madah, semua belanja mungkur pejalai, palan endur diau enggau pemakai ditanggung komiti pengatur magang.
Ku Didit, aum besai tu nyadi sebengkah sejarah nandu penyadi 51 taun ke udah iya nya ba taun 1962 ke alai 51 iku ketuai raban bansa Iban ngulu sebengkah aum ke diuluka niang Temenggong Jugah nyadi chairman kena 16 Februari 1962
“Aum maya nya dikena ngumpul penemu ari ketuai raban bansa Iban sekalika sida sepenemu numbuhka gempung Malaysia. Nengah aum besai tu, 11 Oktober 2013 bansa Iban deka ninjau seraya merening ke belakang, penyauh japai ke udah diulih sida sekumbang 50 taun ke udah,” ku iya.
Atur pengawa tu mega dikena ngingatka genap 50 taun Sarawak merintah diri nengah gempung Malaysia ke deka diatur ba Kapit Civic Centre.
Aum besai tu mega ngelaika Aum 51 iku pengulu Iban ngarika sitak Batang Rajang ti diketuaika niang Temenggong Jugah begempuru di Kapit seraya mansik penemu sida sekalika ka tauka enggai masuk gempung Malaysia ke diatur kena 16 Februari 1962. Tembu nya pemutus aum sida disua ngagai Cobbold Commission kena 19 March 1962.
Berebak enggau menua tu ngintu genap 50 taun merintah diri dalam Malaysia, atur pengawa tu engkeman bendar kena ngingatka pengawa ke udah dikereja niang Tun Jugah ba raban bansa Iban.
Nengah aum besai tu mega, raban bansa Iban patut nyeremin diri, penyauh japai kandang 50 taun ke udah llu baka nya mega nampai 50 taun ari diatu kuing bansa Iban nerunda pemaju sereta penyegang bansa bukai di Malaysia tu.
Komiti indu pengawa tu diketuaika Sapit Kepala Menteri ke mega Menteri Pemansang Pengawa Betanam Betupi ModenDatuk Patinggi Tan Sri Alfred Jabu Anak Numpang, Menteri Kanan ke mega Menteri Pemansang Tanah Tan Sri Dr. James Jemut Masing, Menteri kanan ke mega Menteri Pemansang Rama Tan Sri Willam Mawan Ikom sereta Tan Sri Datuk Amar Leornard Linggi Tun Jugah ke nyadi penyanding penemu.
Sapit Menteri Pemansang Menua Pesisir enggau Kandang Menua Datuk Alexander Nanta Linggi, Datuk Ambrose Blikau Enturan, Tuan Wilson Ugak Kumbong, residen Kapit enggau Datu Nillie Tanggai bela mangku pengawa nyadi penyanding penemu ba aum besai nya ila.
Pangku pengawa bukai nyengkaum Philomon Nuing ke nyadi sapit chairman lalu Selmah Apang nyadi sekretari sereta dibantu Regina Giles Senin ari opis kunsil Kapit nyadi sapit iya. Bansa Untang dipilih nyadi tukang wang lalu dibantu sapit iya James Sandak Bidai.
Tiada ulasan:
Catat Ulasan