Kena 18 Februari 2012 dia alai aku bisi peluang diasuh nyadi pengerusi Polemik Sejarah Malaysia di Dewan Mesra daerah Simunjan. Aku berasai gaga laban ulih nyadi Pengerusi ka dua iko orang ti landik sereta ngembuan penemu ti dalam senentang sejarah menua Sarawak. Sedua tu iya nya Associate Professor Datu Sanib Said ari UNIMAS lalu Associat Professor Dr Bilcher Bala ari Universiti Malaysia Sabah. Pengawa nya kemari dipenyadi YB Nancy Shukry. Mayuh endar pekara ti dipejuraika lebuh seminar nya. Siti ari pekara ti agi dikingatka aku iya nya lebuh Datu Sanib ngenang pengidup kitai mensia di Pulau Borneo sebedau kitai bisi pengarap baka ti daitu. Endang sigi baka pengidup enggau pendiau sigi nadai tentu nyamai didinga. Bisi siko participant baka ti enda ulih nerima gaya pengidup dulu menya ti di cheritaka Datu Sanib kelebih agi sebedau pengarap Islam datai di Borneo ti ngujungka seduai bisi betalatka penemu. Tu nadai nyadika penyalah laban tu meh ti dikumbai orang polemik sejarah.
Tiada ulasan:
Catat Ulasan