Kena 11-13 March 2010 tu dia alai aku bisi ampit dikangauka enggau orang LAB ba pengawa ti milih bala tuai raban bansa di Sarawak. LAB tu besai endar reti ba aku laban iya besangkut paut enggau pengawa ti nyirika sapa orang ti patut nyadi tuai baka Tuai Rumah, Tua Kampung, Kapitan, Penghulu, Pemancha enggau Temenggong. Mayuh macham pekara ti diserangkungka sekali dalam kenang kami nya. Bakani jalai milih lalu sapa ti patut nentuka orang nya tau nyadi tuai sekalika enda. Sama bisi enggau LAB nya mega bala orang ti tuai sereta landik dalam pengawa nyadi tuai tauka bisi penelaba nyirika orang ti patut nyadi tuai. Sida tu bala Residen, DO, pemesai ari Opis Kepala Menteri lalu bala tuai-tuai raban bansa ti bukai.
Tiada ulasan:
Catat Ulasan