Friday, October 23, 2009
Ruang Bilik Tanggungjawab Semua,ku YB Mawan.
Ruang bilik tanggungjawab semua, ku Mawan
Melaki bini, kaban belayan patut sama arapka pangan diri ngemeranka pengidup ti menyana
KUCHING: Melaki bini sereta bala bukai ke sama arapka pangan diri siti institusi ruang bilik ke manah sereta menyana, ku Menteri Pemansang Sosial enggau Kandang Nengeri, Dato Sri William Mawan.
Iya madah, pekara nempa siti institusi diri sebilik ke menyana ukai semina pengawa siku-siku aja, tang iya mega semua mensia mayuh ke sama patut beratka pekara nya, kenyau ari melaki bini ngagai bala anak.
Kebuah pia, laban diri sebilik ke diau dalam pengelantang tau nyadi siti pekara ke ngujungka pengelantang pendiau bala mensia mayuh.
“Enti kitai enda arapka pangan diri, enda siru enggau pangan diri kelebih agi melaki-bini, tu tau ngejungka kitai sarak kelebih agi sida ke diau jauh ari pangan diri ketegal pengawa tauka pekara bukai,” ku iya madah maya ditalipaun Berita Iban kemari.
Mawan madah baka nya lebuh iya ditanya pasal berita Utusan Borneo hari Tiga tu tadi ke bisi madah kes sarak ba raban bansa Iban majak nambah lalu mayuh ari kes tu nyadi ba sida ke gawa ba industri minyak enggau gis.
Utusan Borneo ngambi jaku Pemesai Pengatur Nyemetak Kut Bumiputera Sarawak (MBS) Hang Tuah Merawin ke madah; “Pengerembai industri minyak enggau gis dikelala entara faktor ke ngasuh kes sarak nyau majak nambah ba Miri.”
Kelimpah ari nya Hang Tuah madah pemayuh kes ke diputarka ulih MBS, tebal agi sida nya bala raban bansa Iban ari Miri.
Mawan madah ba pekara nya, tiap renggat orang mayuh bisi pengawa sida iya empu ngeringka institusi diri sebilik baka gerempung ukai perintah (NGO) baka gerempung raban indu, tauka institusi agama baka gerija tauka mesjid ngatur seminar meri jaku ajar kena ngering sereta neritka kaul diri sebilik.
“Ba pengarap aku nadai siti pan agama ba dunya tu ke ngasuh kitai ngereja utai ke enda manah kelebih agi lebuh laki tauka bini kitai nadai begulai enggau kitai ketegal pengawa,” ku iya.
Ba kes sarak bansa Iban di Miri, iya ngasuh ketuai pupu raban bansa Iban patut aktif agi bejalaika pengawa sida iya kelebih agi ke bisi bekait enggau adat asal Iban senentang enggau pengawa melah pinang tauka sarak.
“Ketuai raban bansa Iban patut beterang pasal atur adat melah pinang enggau sarak ngagai sida ke deka betampil enggau pangan diri lalu sida ke sigi bisi ruang bilik diberi jaku ajar,” ku iya madah baru ngagai bala pemberita, kemari.
Kelimpah ari nya mega, lebuh ditanya ngagai Kepala Opis Politik enggau Entarabansa ti mega pensarah ba Fakulti Sains Sosial Unimas Dr Neilson Ilan Mersat madah: “Taja pan ni naka pemayuh kes bakatu ke nyadi nya enda
dibantai enggau kebuah iya nyadi baka nya, tang pengerembai nya ngirauka ati laban iya besangkut paut enggau asal institusi ba siti-siti pengelantang pendiau mensia mayuh sereta menua, iya nya institusi ruang bilik,” ku iya.
Ku iya, penanggul ti ditapi bakatu ulih tiap renggat mensia mayuh tang enti statistik nya ngayanka penambah iya tiap bulan, tu tetap deka ngenusahka ati orang mayuh.
“Ba penemu aku manah kena sida ke deka nirika ruang bilik patut ngerijista diri empu masuk kus melah pinang awakka dua iku orang ke deka jadi nya nyendiaka diri dulu betangkup enggau mayuh macham chabar ti deka nuntung sida iya lebuh sida iya bisi ruang bilik diri empu.
“Kus tu mega manah ka sida laban ngajar sida nyendiaka diri nyadi melaki bini tauka maya udah nyadi apai orang tauka indai orang jemah ila,” ku iya.
Ku Neilson baru, enti fenomena ‘nikah jampat sereta sarak jampat’ nya bisi bekait enggau adat sereta pesaka tuai bansa Iban, nyangka awak bakatu ulih dipansik kitai baru beratika adat tauka atur nya, bakani ku pekara nya tau nyadi kebuah statistik nya betambah.
“Pansik pasal tu enda tau enda diputarka ngiga kebuah statistik orang ke sarak majak nambah,” ku iya.
Ku Neilson baru, pengawa sarak nya patut diperati enggau manah, laban enti enda iya tau ngejungka kitai betapi enggau krisis moral dataika kitai enda ingatka pengawa manah ti dikedekaka agama siku-siku lalu tu tau ngejung ngaga penanggul sosial bukai ke bekait enggau sarak tu.
Melaki bini, kaban belayan patut sama arapka pangan diri ngemeranka pengidup ti menyana
KUCHING: Melaki bini sereta bala bukai ke sama arapka pangan diri siti institusi ruang bilik ke manah sereta menyana, ku Menteri Pemansang Sosial enggau Kandang Nengeri, Dato Sri William Mawan.
Iya madah, pekara nempa siti institusi diri sebilik ke menyana ukai semina pengawa siku-siku aja, tang iya mega semua mensia mayuh ke sama patut beratka pekara nya, kenyau ari melaki bini ngagai bala anak.
Kebuah pia, laban diri sebilik ke diau dalam pengelantang tau nyadi siti pekara ke ngujungka pengelantang pendiau bala mensia mayuh.
“Enti kitai enda arapka pangan diri, enda siru enggau pangan diri kelebih agi melaki-bini, tu tau ngejungka kitai sarak kelebih agi sida ke diau jauh ari pangan diri ketegal pengawa tauka pekara bukai,” ku iya madah maya ditalipaun Berita Iban kemari.
Mawan madah baka nya lebuh iya ditanya pasal berita Utusan Borneo hari Tiga tu tadi ke bisi madah kes sarak ba raban bansa Iban majak nambah lalu mayuh ari kes tu nyadi ba sida ke gawa ba industri minyak enggau gis.
Utusan Borneo ngambi jaku Pemesai Pengatur Nyemetak Kut Bumiputera Sarawak (MBS) Hang Tuah Merawin ke madah; “Pengerembai industri minyak enggau gis dikelala entara faktor ke ngasuh kes sarak nyau majak nambah ba Miri.”
Kelimpah ari nya Hang Tuah madah pemayuh kes ke diputarka ulih MBS, tebal agi sida nya bala raban bansa Iban ari Miri.
Mawan madah ba pekara nya, tiap renggat orang mayuh bisi pengawa sida iya empu ngeringka institusi diri sebilik baka gerempung ukai perintah (NGO) baka gerempung raban indu, tauka institusi agama baka gerija tauka mesjid ngatur seminar meri jaku ajar kena ngering sereta neritka kaul diri sebilik.
“Ba pengarap aku nadai siti pan agama ba dunya tu ke ngasuh kitai ngereja utai ke enda manah kelebih agi lebuh laki tauka bini kitai nadai begulai enggau kitai ketegal pengawa,” ku iya.
Ba kes sarak bansa Iban di Miri, iya ngasuh ketuai pupu raban bansa Iban patut aktif agi bejalaika pengawa sida iya kelebih agi ke bisi bekait enggau adat asal Iban senentang enggau pengawa melah pinang tauka sarak.
“Ketuai raban bansa Iban patut beterang pasal atur adat melah pinang enggau sarak ngagai sida ke deka betampil enggau pangan diri lalu sida ke sigi bisi ruang bilik diberi jaku ajar,” ku iya madah baru ngagai bala pemberita, kemari.
Kelimpah ari nya mega, lebuh ditanya ngagai Kepala Opis Politik enggau Entarabansa ti mega pensarah ba Fakulti Sains Sosial Unimas Dr Neilson Ilan Mersat madah: “Taja pan ni naka pemayuh kes bakatu ke nyadi nya enda
dibantai enggau kebuah iya nyadi baka nya, tang pengerembai nya ngirauka ati laban iya besangkut paut enggau asal institusi ba siti-siti pengelantang pendiau mensia mayuh sereta menua, iya nya institusi ruang bilik,” ku iya.
Ku iya, penanggul ti ditapi bakatu ulih tiap renggat mensia mayuh tang enti statistik nya ngayanka penambah iya tiap bulan, tu tetap deka ngenusahka ati orang mayuh.
“Ba penemu aku manah kena sida ke deka nirika ruang bilik patut ngerijista diri empu masuk kus melah pinang awakka dua iku orang ke deka jadi nya nyendiaka diri dulu betangkup enggau mayuh macham chabar ti deka nuntung sida iya lebuh sida iya bisi ruang bilik diri empu.
“Kus tu mega manah ka sida laban ngajar sida nyendiaka diri nyadi melaki bini tauka maya udah nyadi apai orang tauka indai orang jemah ila,” ku iya.
Ku Neilson baru, enti fenomena ‘nikah jampat sereta sarak jampat’ nya bisi bekait enggau adat sereta pesaka tuai bansa Iban, nyangka awak bakatu ulih dipansik kitai baru beratika adat tauka atur nya, bakani ku pekara nya tau nyadi kebuah statistik nya betambah.
“Pansik pasal tu enda tau enda diputarka ngiga kebuah statistik orang ke sarak majak nambah,” ku iya.
Ku Neilson baru, pengawa sarak nya patut diperati enggau manah, laban enti enda iya tau ngejungka kitai betapi enggau krisis moral dataika kitai enda ingatka pengawa manah ti dikedekaka agama siku-siku lalu tu tau ngejung ngaga penanggul sosial bukai ke bekait enggau sarak tu.
Tiada ulasan:
Catat Ulasan